வலிமையின் வடிவே நரசிம்மா

வளமும் வலிமையும் வாய்த்திட வேண்டி; வந்து நின்றேன் உன் கண்முன்னே!

வலிமையின் வடிவே வாய்மையின் மொழியே;

வந்தருள் வாயே              ஸ்ரீ நரசிம்மா!

கொண்டவள் மடியில் கொஞ்சிய மொழியில்; கோபம் தணிந்த குணவடிவே!

அஞ்சிடும் கோலத்தில் அரக்கனை அழித்து;

அன்புடன் அணைத்த அருட்கரமே!

எங்கெங்கு காணினும் இறைவன் இருப்பான்; என்பதை விதைத்த விளைநிலமே!

எல்லாம் நீயே வல்லான் நீயே; அருள்வாய் தருவாய் தாயுடனே!