குரு ராகவேந்திர

 என்றென்றும் ஒளியாக நீ வாராய் -   எங்கள் 

கண் ணென்றும் ஏங்கிடும் நீ வாராய்

மண் நின்று வாழ்ந்திட வரம் தாராய் - எங்கள்

மத்வரின் சீடரே நீ வாராய்

வானின் ஒளியாக முன்வந்து வரம் தந்தான்

மூல ராமனே முன்நின்று கரம் கொண்டான்

தணியாத அருள்தாகம் தனைக் கண்டான்

தன்னையே தந்துனக்கு அதை வென்றான்

காணாத ஒளிகாண கண்தந்தாய் -எங்கள்

காவலனாய் காத்திருந்து வழிதந்தாய்

மண்மீது வாழ்வதில் ஓர் பயன் தந்தாய் -எங்கள்

மத்வரின் சீடரே நீ எமை வென்றாய்