அன்னை சியாமளா

சிந்திக்க வைப்பாள் சியாமளா தேவி;

சிந்தனை வடிவம் சியாமளா தேவி,

கண்கள் காணும் அவள் தன் வடிவம்;

காண்போர் புண்ணியம் கருணையின் வடிவம்,

மாதவம் செய்தவள் மாதங்கி யானவள்; 

மதங்க மாமுனியின் மகளுமானவள்,

அன்னை காளியின் கரும்பு வில்லானவள்;

காளிதாசனின் நாவில் நின்றவள், 

அறியும் அறிவும் அமைச்சு மானவள்;

அற்புத வீணையின் நாதமானவள்,

பச்சை வண்ண கோலம் கொண்டவள் ;

பாதை தருபவள் பாசம் கொண்டவள்,

அருளும் கரங்களில் அன்பை கொண்டவள்;

அன்னை அவளே சியாமளா தேவி